Fonduso Instigo
@instigo

Komputeko kaj esperantigo de programoj kaj retejoj.

instigo ricevas € 0,19 semajne el 1 donacanto. Celo: € 50,00
Donaci  

Sinprezento

Jen superrigardo de la diversaj projektoj kiujn vi povas subteni per Instigo-LiberaPay.

Komputeko (www.komputeko.net): prikomputila terminokolekto. Multaj homoj pretas iom helpi pri tradukado, sed gravas bona, daŭre aktualigata vortaro kaj iu kiu kunordigas kaj instigas/dankas. Sen tio, ne progresas aŭ eĉ mortas tre indaj tradukprojektoj. Yves Nevelsteen kunlaboras kun Robin van der Vliet pri tutnova retejo. Estas multe da laboro, sed tre indas!

Tradukado: tradukado de Telegram (www.telegramo.org) kaj WordPress al Esperanto. Robin estas la ĉefa tradukanto (al Esperanto) kaj disvastiganto de Telegram en Esperantujo. Ambaŭ traduklaboroj samtempe uzas kaj estas gravaj fontoj por novaj vortoj en Komputeko. Yves transprenis la traduklaboron de WordPress de Cindy McKee laŭ peto de Kalle Kniivilä. Gravas ĉiam-aktuala traduko, interalie ĉar ĝin uzas la retejo Libera Folio.

Eksterrete (www.nevelsteen.info/eksterrete): paperaj libretoj kun retaj indaĵoj kiujn kreas Yves. Ĉio troviĝas sur interreto, sed gravas gvidi homojn kaj indiki kio konkrete interesas kaj aktualas. Ne sufiĉas krei tian verkon unufoje; necesas ĝin ĝisdatigadi.

Markolibro (www.nevelsteen.info/markoj): asocioj kaj firmaoj kiu konscie elektas nomon en Esperanto estu niaj ambasadoroj! Esperanto estas iom populara almenaŭ tie; esperantistoj konsciu pri tio. Yves laboras pri nova, kvinlingva eŭropa markolibro. Temas pri longedaŭra projekto; regule aperas novaj markonomoj.

Vikipedio, Vikidatumoj ktp: lingva korektado per robotoj (Yves kaj Robin), verkado, ligado de interesaj artikoloj sube de vikipedia artikolo.

Yves ĉiujare detale raportas pri Fonduso Instigo per broŝuro. Raporto pri 2019 estas disponebla.

Por eviti kostojn de perado, eŭropaj subtenemuloj prefere pagu rekte al la belga Instigo-bankokonto. Kontaktu nin pri detaloj per la formularo en https://telegramo.org/komputeko/#!c

Konektitaj Kontoj

instigo posedas la jenajn kontojn en aliaj servoj:

Historio

instigo aliĝis antaŭ 1 monato.

Semajna Enspezo (en Eŭro)

Nombro de donacantoj semajne